Labahlolwako balindzeleke kutsi baphendvule MUNYE umbuto esigabeni A, MUNYE esigabeni B, NAMUNYE esigabeni C.
Cala leso naleso sigaba ekhasini LELISHA udvwebele emva kwaleso naleso sigaba.
Shiya umugca emkhatsini wetimphendvulo takho.
Bhala ngebunono nangesandla lesifundzekako.
Caphelisisa sipelingi nendlela yekwakha imisho. Labahlolwako batawuklonyeliswa emamaki ngekuhlela nekubukisisa emaphutsa emisebentini yabo.
Bhala indzaba NGASINYE saletihloko letilandzelako ibe ngemagama lali-340 - 390.
Kulabadlali labalandzelako khetsa abe munye ubhale ngaye. Indzaba yakho yinike nasi sihloko: 'Umdlali lengimtsandzako'.
NOBE
Utsini ngalomtsetfo lotsi emantfombatana laneminyaka lelishumi nakubili angahushula tisu nobe ayohlela emtfolamphilo ngaphandle kwelwati nemvume yebatali? [50]
NOBE
Ludlame lwematekisi selwemuke nemiphefumulo leminyenti. Wena ucabanga kutsi yini lengentiwa kuncandza lesimo. [50]
NOBE
Bhala indzaba ucondzise kulesitfombe lesingentasi. indzaba yakho. Yinike sihloko lesifanele
NOBE
Buhle nebubi bethekhinoloji. [50] NOBE
Nangingaba ngundvunankhulu wesifundza sakitsi. [50]
Khetsa KUNYE kulokulandzelako ubhale ngako ngemagama lali-100 - 120.
NOBE
Kuphume nasi sikhangisi ephephandzabeni langemphelasontfo. Bhala umlandvomphilo lotawutfumela nesicelo salomsebenti [30]
Kufuneka intsatseli yetindzaba. Umuntfu lotawuphumelela kulesikhundla kufanele akwati kwenta naku lokulandzelako:
Kubhala tindzaba ngetihloko letehlukene
Kutfwebula titfombe
Kutfungatsa tindzaba
NOBE
Ungumabhalane welikomidi lalabasha ebandleni lakini. Beninemhlangano lapho benikhuluma khona ngetinkinga bantfu labasha labahlangabetana nato ebandleni. Bhala luhlelo nemaminithi alomhlangano. [30]
NOBE
Umntfwana wamakhelwane ubulele lifasitelo lendlu yakini ngalesikhatsi adlala ibhola nebangani bakhe. Bhala inkhulumomphendvulwano emkhatsini kwemtali wakho namakhelwane wakho. [30]
SAMBA SIGABA B: 30
Khetsa KUNYE kulokulandzelako ubhale ngako ngemagama langema-80 - 100.
Batali bakho bakwentele lidzili lekukubonga ngekuphotfula tifundvo tebunjiniyela. Bhala likhadi lesimemo umeme bangani bakho. [20]
NOBE
Emakhansela asendzaweni yakini ahlele umdlalo welibhola letinyawo emkhatsini wemacembu lamabili lamakhulu kuleli, kute kucongelelwe imali yekwakha umtapo wetincwadzi. Bhala iphosta watise ummango ngalomdlalo. [20]
NOBE
Esikoleni senu kutawuba nelusuku lwetemasiko lapho kutewukhangiswa ngetintfo letehlukene tesintfu. Wena ukhetse kukhangisa ngekudla lokutsite kwesintfu. Bhala indlela yekupheka lokudla lotawube ukukhangisa. [20]
SAMBA SIGABA C: 20
SAMBA: 100
